أخبار عاجلة
الرئيسية / أدب / شعر / نفسى مصر ترجع تبقى مصر … شعر … شيماء عبد المنعم
نفسى مصر ترجع تبقى مصر … شعر  … شيماء عبد المنعم

نفسى مصر ترجع تبقى مصر … شعر … شيماء عبد المنعم

نفسى مصر

ترجع تانى … تبقى مصر

رغم اختلافنا فى كل شئ تضمنا

نفسى نرجع نحتفل بيوم النصر

ليه نقسم نفسنا؟

ليه نضيع حلمنا؟

ليه يموت احلى شباب مننا؟

عشان يدافع عننا؟

وﻻعشان غيرهم يتاجرو بدمنا

ليه مقسومين

متحطميين

متقطعيين

عشان لقمة العيش

وﻻ عشان ناس متساويش

وﻻ عشان ناس تانية عاوزانا

ندمر نفسنا

فوقوا وحاولو ترجعو من تانى مصر

قبل ما الفتنة تدمرنا كلنا

عمرنا ماحاربنا بعضنا

عمرما فرقنا دين

الدين وحده لربنا

ازاي مناصب وكراسى زايلة

تخلينا نخسر بعضنا

الحرب قامت … ايوة قامت

بس مش عارفين مين عدونا؟

هو العدو بتاع زمان

اللى حاربناه من سنين

وانتصرنا عليه كمان

وﻻ هو عدو تانى

كنا بندافع عنه طول عمرنا

وﻻ هو عدو ثالث

مننا…عايش معانا…وسطنا؟

لا مستحيييييييييييل

ﻻ عمرنا

مايكون عدونا مننا

طول عمرنا مختلفين

اخوان وﻻ اشتراكيين

علمان وﻻ سلفيين

ومصر ضمانا كلنا

قوووووووومو لملمو الي باقي مننا

وابنو مصر من تانى لينا كلنا

وسيبوا الحكم للى يعوزو ربنا

هو وحدو عاااااالم بنا

يرجع مصر تاااااااانى

مصرناااااااااااااا

اترك تعليقك

التعليقات

عن فريق فيديو سويس

فريق فيديو سويس

اترك رد